Samruddhi Mahamarg रस्ता तयार आहे, पण वाहन चालक तयार आहेत?

महाराष्ट्राचे सुपरकॉप, माजी पोलीस महानिरीक्षक आणि सेवानिवृत्त आय पी एस अधिकारी श्री प्रवीण दीक्षित यांची प्रतिक्रिया अशी, “जी काही संभाव्य कारणे असू शकतात ती समोरच आहेत. ह्यातून उपाययोजना करायची आहे जेणेकरून अशा घटनांची पुनरावृत्ती होणार नाही. एंट्री पॉइंट्स वर वाहन चालकांकरिता कार्यशाळा घ्याव्याच लागतील. त्यांची वाहने महामार्गाच्या प्रवासाच्या दृष्टीने योग्य स्थितीत आहेत किंवा नाहीत हे चेक करावे लागेल. शिवाय, खाजगी ट्रॅव्हल्स च्या बसेस आणि एस टी बसेस ह्यांचे करिता समृद्धी महामार्ग रात्री साडे बारा ते पहाटे पाच ह्या वेळे पर्यंत बंद करावे लागेल असे दिसते. कारण, ह्या काळात ड्रायव्हर्स चा डोळा लागण्याचा, गुंगी ची डुलकी येण्याचा अधिक धोका संभवतो.. आणि ड्रायव्हर ला डुलकी लागणे अत्यंत घातक आहे.”

एका सेवानिवृत्त अभियंत्याचा अनुभव बोलका आहे. “जानेवारी महिन्याची गोष्ट आहे. माझ्या मुलाने आमची जुनी गाडी सुद्धा वेगाने चालवली, तेव्हा आम्हा सर्वाना त्याचे कौतुक वाटत होते. त्याने छान चालवली ह्यात शंका नाही. पण, आम्ही त्या महामार्गावर पहिल्यांदा जात असल्याने वेग मर्यादे कडे फारसे लक्ष दिले नाही. ताशी १२० किलोमीटर वेग मर्यादे पुढे आमची गाडी धावत होती. त्यामुळे, आम्ही अत्यंत कमी वेळेत नागपूरला पोहोचलो . पण जेव्हा आम्हाला चालान बद्दल समजले तेव्हा आम्हाला धक्काच बसला. महामार्ग बनवणाऱ्या नेत्यांवर थोडा राग सुद्धा आला. चालान चे हजारो रुपये भरावे लागले, म्हणून, मला आणि माझ्या मुलाला राग येणे स्वाभाविक होते. माझा मुलगा म्हणू लागला की एक्सप्रेस हाय वे वर वेगात वाहन चालवायचे नाही तर काय करायचे? इथे देखील शंभर एकशे वीस पर्यंत गाडी चालवायची तर मग महामार्गाचा खरा आनंद कसा घायचा? मग, ह्या लोकांनी महामार्ग कशालाच बनवला? काय गरज होती?”

“पण, नंतर अपघातांविषयी बातम्या येत गेल्या तेव्हा समजले की तिथे अपघात कसे घडत असतील. आम्हाला कळले की चूक माझ्या मुलासारख्या वाहन चालकांची आहे. आपण वेग मर्यादेत वाहन चालवले तर ते नियंत्रणात राहते आणि तोल सुटत नाही. ह्या महामार्गाची कल्पना करणाऱ्या आणि महामार्ग बनवणाऱ्या देवेंद्र जी फडणवीस आणि एकनाथजी शिंदे यांनी एक उत्तम आणि सुंदर महामार्ग बनवला आहे.पण, वाहन चालकांनी आता स्वतः मध्ये आवश्यक तो सुधार केला पाहिजे. मी स्वतः इंजिनियर असून माझा मुलगा देखील इंजिनियर आहे. म्हणून, मी माझ्या मुलाला समजावले की आपण कोणतेही विजेचे किंवा इलेक्ट्रॉनिक उपकरण विकत घेतो तेव्हा त्याचे सोबत एक मॅन्युअल येते, ते वाचतो. मग, ते उपकरण हाताळायला शिकतो. त्याच प्रमाणे आपण Samruddhi mahamarg वर प्रवेश करण्याच्या आधी त्याविषयी आवश्यक नियम समजून घेतले पाहिजे आणि त्यानुसार वागले पाहिजे. तसे केले नाही तर आपली, आपल्या वाहनांची आणि इतरांची सुरक्षा धोक्यात येईल. मग तो दोष महामार्ग बनविणाऱ्यांचा नाही तर आपला असेल. माझे म्हणणे माझ्या मुलाला देखील पटले.आता त्याने नवीन महागडी एस यू व्ही विकत घेतली असून आम्ही त्याने महामार्गावर जातो आणि आनंदात प्रवास करतो. समृद्धी वरील प्रवास माझा तीन वर्षांचा नातू खूप एन्जॉय करतो ! नियमात राहून आपले काम करण्यात खरा आनंद आहे.”