महिलांची प्रतिक्रिया : राष्ट्रहित की घरचा ओढा?
आर्थिक त्याग की घरगुती ओढाताण?
महिलांची प्रतिक्रिया : राष्ट्रहित की घरचा ओढा? पंतप्रधानांच्या ‘आर्थिक शिस्त’ आवाहनावर भारतातील महिलांनी आपली मते ठामपणे मांडली आहेत. घराचे बजेट सांभाळणाऱ्या गृहिणींसाठी खाद्यतेलाचा वापर १० टक्क्यांनी कमी करणे हे एक आव्हान आहे, तरीही अनेकांनी याला ‘आरोग्यदायी बदल’ म्हणून स्वीकारण्याची तयारी दर्शवली आहे.
By_http://indiainput.com Desk
महिलांची प्रतिक्रिया: राष्ट्रहितासाठी त्याग आणि व्यावहारिक आव्हाने
नोकरी करणाऱ्या महिलांनी ‘वर्क फ्रॉम होम’चे स्वागत केले आहे, कारण यामुळे प्रवासाचा त्रास वाचून कुटुंबासाठी अधिक वेळ मिळेल. मात्र, वर्षभर सोने खरेदी न करण्याच्या आवाहनामुळे लग्नसराई असलेल्या घरांमध्ये चिंतेचे वातावरण आहे. सोने हे केवळ दागिना नसून स्त्रीधन आणि सुरक्षितता मानली जाते, त्यामुळे या निर्णयावर संमिश्र प्रतिक्रिया आहेत.
पंतप्रधान मोदींच्या संदेशाचा नीट विचार केला तर त्यातून मिळणारा सकारात्मक उद्देश लक्षात येतो. युद्धजन्य परिस्थितीत सर्व देश आपल्या देशवासियांना परिस्थितीला सामोरे जाण्यासाठी तयार करताहेत.
भारत क्रूड तेल, सोनं आयात करतो, त्यांच्या किंमतीत झालेली वाढीमुळे देशाच्या आर्थिक परिस्थितीवर आघात होणार आणि त्यापासून आपले रक्षण व्हावे म्हणून ही मागणी.
जेव्हा करोडों लोक आपल्या जीवनशैलीत बदल स्वीकारतील तेव्हा एकत्रितपणे आयात, प्रदूषण, वाहातूक कोंडी आणि शहरी तणावाचा दबाव कमी होणार, ही दूरदृष्टी.जर करोडो लोकांनी विकासाचा हुशारीने, जवाबदारीने विचार केला तर कोणत्याही परिस्थितीत देशातील स्थिती मजबूत राहील. आर्थिक, राजकीय, सामाजिक
सुत्रे ढासळू नये म्हणून आपल्या बांधवांना समजुतीने पंतप्रधानांनी केलेली विनंती, ज्याचा सुजाणपणे विचार करुन अंमलात आणणे हे भारतीय नागरिक म्हणून आपले कर्तव्य आहे.जेव्हा नागरिक आणि व्यवस्था दोन्हीही एकत्र विकसित होतात तेव्हाच खरी प्रगती घडते.
– नंदिनी नरेश नागपूरकर
ऑनलाइन सराव
विद्यार्थिनींनी ऑनलाईन शिक्षणामुळे वेळेची बचत होईल असे म्हटले असले तरी, प्रत्यक्ष शिक्षणाची उणीव भासेल अशी भीतीही व्यक्त केली आहे. एकंदरीत, देशासाठी काहीतरी करण्याची जिद्द महिलांमध्ये दिसून येत आहे, पण त्यासाठी सरकारने सोयीसुविधांकडे लक्ष द्यावे अशी त्यांची अपेक्षा आहे.
तुमच्या घराबाहेर पुराचं पाणी जमा झाले आहे…त्या कठीण परिस्थितीतून बाहेर पडण्यासाठी प्रयत्न करणार….की पुरणपोळी साठी रडत बसणार…फक्त काही दिवसांसाठी आपल्या इच्छा कन्ट्रोल करा एवढंच म्हणणं आहे पंतप्रधानंचे…बाहेरच्या देशांची परिस्थिती बघा….काय चाललयं ते…महायुद्धाचे स्थिती असताना ही वेळ देशासोबत उभं राहण्याची आहे…नेतृत्वाला शिव्या देण्याची अथवा त्यावर टिका करण्याची नाही…जे खरचं देशाचा विचार करतात त्यांना वेगळं सांगायची गरज नाही….परंतु जे स्वत:ला सुशिक्षित म्हणवतात…शिकलेले म्हणवतात….तेच मोदींवर बोट उचलायला निघालेत….त्यांना देशाबाहेर काय चाललयं याच्याशी काही देणं घेणं नाही….त्यांना फक्त महागाई दिसतेयं….मोदींने म्हटलयं …सोने खरेदी करू नका..फॉरेन ला जाऊ नका..हे दिसतयं…जसे काही हे रोजच सोनं विकत घेणारे आहेत अनं रोज फॉरेन ला जाणारे आहेत….कुठल्याही परिस्थितीत मोदींना टारगेट करायचे..बस….देव न करो असं कधी होवो पण यदा कदाचित महायुद्धाचे पडसाद आपल्या देशावर पडले तेव्हा नानी आठवेल या लोकांना…आणि पुन्हा मोदींना शिव्या द्यायला मोकळे….या लोकांची कीव करावी तेवढी थोडीच आहे…
रोहिणी पाटेकर, नागपूर
भारतीय महिला आघाडीकडून काही सूचना :
शासकीय कार्यालयांमध्ये कडक शिस्त आणि सुधारणांची गरज
पंतप्रधानांच्या आवाहनानुसार, आता सरकारी अधिकाऱ्यांनी स्वतःपासून बदलाची सुरुवात करणे आवश्यक आहे.
शासकीय वसाहतींमध्ये राहणारे अधिकारी एकाच कार्यालयात जाण्यासाठी स्वतंत्र गाड्यांचा वापर करतात, जे पूर्णपणे चुकीचे आहे. शेजारी राहणाऱ्या अधिकाऱ्यांसाठी ‘कार-पूल’ बंधनकारक केल्यास इंधनाची मोठी बचत होईल.
दुसरीकडे, साडेआठ तासांची बायोमेट्रिक हजेरी आणि उशीर झाल्यावर रजा कापली जाण्याच्या नियमामुळे कर्मचाऱ्यांची कोंडी होत आहे.
ज्यांचे घर किंवा कार्यालय मेट्रोपासून लांब आहे, त्यांना सार्वजनिक वाहतुकीने वेळेत पोहोचणे अशक्य होते. रजा वाचवण्यासाठी कर्मचारी नाईलाजाने स्वतःच्या कारचा वापर करतात. इंधन बचतीचे उद्दिष्ट साध्य करण्यासाठी सरकारने विभागीय बस सेवा सुरू करावी किंवा हजेरीच्या नियमात काही प्रमाणात सवलत द्यावी.
निष्कर्ष: राष्ट्रहितासाठी जनशक्तीची वज्रमुठ
पंतप्रधानांनी मांडलेला हा आर्थिक शिस्तीचा आराखडा केवळ सरकारी धोरण नसून ती एक ‘आर्थिक राष्ट्रभक्ती’ आहे. आज देश ज्या वळणावर उभा आहे, तिथे प्रत्येक नागरिकाचा छोटासा त्याग भविष्यातील मोठ्या आर्थिक संकटातून देशाला वाचवू शकतो.
आपण सर्वांनी एकत्र येऊन या मोहिमेला पाठिंबा देणे काळाची गरज आहे:
-
सामूहिक जबाबदारी: जेव्हा आपण घरात खाद्यतेलाचा वापर जपून करतो किंवा अनावश्यक परदेशी सहली टाळतो, तेव्हा आपण केवळ पैसे वाचवत नाही, तर देशाचे परकीय चलन सुरक्षित करतो.
-
प्रशासकीय आणि डिजिटल क्रांती: वर्क-फ्रॉम-होम आणि डिजिटल बैठकांचा स्वीकार करून आपण केवळ इंधन वाचवत नाही, तर आधुनिक कार्यसंस्कृतीला चालना देत आहोत.
-
नारीशक्तीचे योगदान: घरातील ‘बजेट व्यवस्थापक’ म्हणून महिलांनी जर या बदलांचा स्वीकार केला, तर प्रत्येक घर हे राष्ट्र उभारणीचे केंद्र बनेल.
-
अखंडता आणि एकता: जाती, धर्म आणि प्रदेश विसरून जेव्हा संपूर्ण भारत या ‘आर्थिक सत्याग्रहात’ सामील होईल, तेव्हाच आपण आत्मनिर्भरतेचे स्वप्न खऱ्या अर्थाने पूर्ण करू शकू.
चला, आपण सर्वांनी मिळून या आर्थिक शिस्तीला आपल्या जीवनशैलीचा भाग बनवूया. आपला आजचा संयम हाच देशाचा उद्याचा विजय असेल.
जय हिंद🇮🇳Jai Hind🇮🇳
SOURCE :
https://www.pmindia.gov.in/en/
FEEDBACK : contact@indiainput.com
CATCHUP FOR MORE ON : http://indiainput.com
